Хәзер Тукай премиясен алучыларга 1 миллион сум биреләчәк

Габдулла Тукай исемендәге Дәүләт премиясенә лаек булучылар 1 миллион сум акча алачаклар. Бу хактагы карарны Рөстәм Миңнеханов имзалаган. Элек премияне алучыларга 500 мең бирелә иде.

Исегезгә төшерәбез, әлеге премия ел саен Татарстанның 3 мәдәният эшлеклесе яисә сәнгать коллективына бирелә. Бүләкләү тантанасы бөек шагыйрьнең туган көне - 26 апрельдә уза.

"Татарстан - Яңа гасыр" каналы Тукай премиясен тапшыру тантанасын туры эфирда күрсәтәчәк. Ул 11:30да башлана.

Фото: ТНВ