Татарстанда ике шагыйрьгә Халык исеме бирелде

Республика Рәисе Флёра Гыйззәтуллина һәм Наил Касыймовка Татарстанның халык шагыйрьләре исемен бирде.

Бүген, Габдулла Тукайның туган көнендә, Муса Җәлил исемендәге Опера һәм балет театрында Татарстан Рәисе Рөстәм Миңнеханов шагыйрьләр Флёра Гыйззәтуллина һәм Наил Касыймовка Халык исемен тапшырды.

Әлеге театрда Туган тел һәм Габдулла Тукай тууына 137 ел тулуга багышланган бәйрәм тантанасы булды. Аны ТНВ каналы туры трансляциядә күрсәтте. Күрми калган булсагыз, тантанадан видеоны "ТНВ татарча" ВКонтакте төркемендә карый аласыз.