Быел "Мин татарча сөйләшәм" акциясенең "антипремия" иясе билгеле

Бүген, Туган тел көнендә, "Мин татарча сөйләшәм" акциясе кысаларында татар теленә салкын карашта булган оешмалар исемнәре билгеле булды. Быел бу исемгә җәй көне ачылган Бәшир Рәмиев исемендәге айти парк лаек булды. Акция оештыручылары бу номинациядә элмә такталар һәм язуларның русча гына түгел, татарча да булуын исәпкә ала.

"Яңа it-паркның эчендә татар телендә язулар булса да, бина тышында моның белән әле авыррак. Төп элмә тактада татар теленә урын тапмаганнар", - дип тапшырды бу антипремияне Бөтендөнья татар яшьләре форумы рәисе Ленария Мөслим.
Акциягә җыелган халык номинантны "ууууу" тавышларына күмде.


Акциягә җыелган халык номинантны "ууууу" тавышларына күмде.

Фото: ТНВ