Курган өлкәсендә янган Эчкен халкы авылны яңадан торгызачак

Курган өлкәсендә янган Эчкен авылы халкы аннан күченергә теләми. Алар монда йортлар салып кабат төпләнмәкче.

Бу - борынгы татар авылы. Аның тарихы ким дигәндә 500 ел исәпләнә. Авыл ныклы, утрак тормыш алып барган, игенчелек һәм терлекчелек белән шөгылләнгән. Фермерлары да күп.

Кичә без анда яшәүче милләттәшләребез белән кабат элемтәгә чыктык һәм аларның хәлләрен белештек. Хәзер монда харәбәләрне сүтәләр, Татарстаннан ярдәмгә акча җыю дәвам итә. Ялларда милләттәшләребез тагын миллион сумга якын акча күчергән.