ТНВ редакторы Әлфирә Мәһдиева белән хушлашу вакыты билгеле

Татар халкы талантлы кызын югалтты. Кырык елга якын гомерен татар телевидениесына багышлаган хезмәттәшебез, җор телле журналист, татар рухлы мөхәррир, Татарстан Республикасының атказанган матбугат һәм массакүләм коммуникацияләр хезмәткәре исемен горур йөрткән Әлфирә Әдгам кызы Мәһдиева белән хушлашу 10 июнь 9:40 сәгатьтә Казан шәһәренең 7 нче номерлы хастаханәсендә булачак.

“Җырлыйк әле”, “Мәдәният дөньясында”, “Башваткыч”, “Әдәби хәзинә” һәм башка күп кенә тапшыруларга, телеспектакль, телефильмнарга бар булмышын, бар тормышын багышлаган, татар милләте өчен янып яшәгән  Әлфирә Мәһдиева “Яңа Гасыр” телерадиокомпаниясенең якты йолдызы булып хәтердә калачак!