Казанда дәүләт бүләкләрен тапшыру тантанасы ничек узды?

Туган тел көнендә Габдулла Тукай исемендәге дәүләт бүләкләрен тапшырдылар. Ул Татарстан Рәисе карары белән, үзенең авторлык стиле, үзенчәлеге белән танылган, Ватан һәм милли мәдәният үсешенә зур өлеш керткән әсәрләр өчен бирелә.

Республикада әдәбият һәм сәнгать өлкәсендә иң дәрәҗәле бүләк булып санала. Көне килеп җиткәнче, лауреатларның исемен халыкка чыгармыйлар. Шунысы белән ул кызыксынуны арттыра да. Быел премиягә бик көчле - 9 шәхес һәм бер коллектив дәгъва кылды. Дүртесе лаек дип табыла. Һәрберсе 1 млн сум алачак. Тантана мизгелләре Гөлназ Сәйфетдинова репортажында.