Татарча да яхшы бел!: Иске татар бистәсендә нигә телгә игътибар җитми?

Казанның Иске татар бистәсендә татарча аралашмыйлар. Социаль челтәрдә туган телдә язмыйлар. Туган тел көнендә - "Мин татарча сөйләшәм" акциясендә шәһәр үзәгендәге бу префектурага "Тяжело с татарским" дип аталган антипремия тапшырдылар.

Үз эшчәнлекләрендә туган телне инкар иткәннәре өчен! Бер карасаң, башкаланың нәкъ үзәге, монда гомер-гомергә татарлар күпләп яшәгән, тарихи биналар, мәчетләр урнашкан. Ул бит чын милли тормыш кайнап торган урын булырга тиеш кебек. Әмма! Бүген татар бистәсе урамнары буйлап Илдар Сафиуллин татарлык эзләп йөрде.