Милли Шура рәисе шагыйрь-патриот Муса Җәлил бюстына чәчәкләр салды

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Саха (Якутия) Республикасында. Якутск шәһәрендә Советлар Союзы Герое, патриот-шагыйрь М.Җәлил бюстенә чәчәкләр куелды, дип хәбәр итә Бөтендөнья татар конгрессы матбугат хезмәте.

Һәйкәлне Татарстан делегациясе катнашында 2023 елның 31 октябрендә ачалар.

Эшләнмә авторы – Санкт-Петербургның Татар Дворян Җыелышы әгъзасы, Россия рәссамнар берлегенең Санкт-Петербург бүлеге әгъзасы, Санкт-Петербург дәүләт кино һәм телевидение институты компьютер графикасы һәм дизайны кафедрасы доценты, Татарстан Республикасының атказанган сәнгать эшлеклесе Винера Абдуллина.

Фото: tatar-congress.org