Омскида су басудан зыян күргән авыллар кышка ничек әзерләнә?

Кичә Омскига су басудан зыян күргән авылларга Татарстаннан гуманитар ярдәмнең бишенче партиясен китерделәр. Аны Рөстәм Миңнеханов кушуы буенча, Бөтендөнья татар конгрессы туплаган.

Республика халкы да, төрле төбәкләрдә яшәүче милләттәшләребез дә ярдәм итә. Шулай, “тамчыдан күл җыелган”. Бүген Әшеван һәм Әбәргул авыллары халкы белән вице-премьер Васыйл Шәйхразиев очрашты.

Аларда 210 йортка зыян килгән. Хәзер төбәк хакимияте белән берлектә кышка әзерләнәләр. Татарстан яшелчәләр белән тәэмин итә. Алия Хәйретдинова репортажы.