Татар яза! Диктантның быелгы үзенчәлекләре

Татар дөньясы татарча диктант яза торган вакыт җитте. Алар татарның кайда яшәвенә карамастан, Җир шарының океан аръягындагы континентындамы, Россия төбәгендәме, Татарстанның үзендәме - һәммәсен тарихи Ватан белән бәйли. Үзеңне шушы халыкның бер вәкиле итеп тою мөмкинлеге бирә.

Максаты турында уйлансак, мин аны халык санын алу белән тиңләр идем. Чөнки шушы акция, бер яктан, милләтеңә тугрылыкны күрсәтсә, икенчедән, туган телдә сөйләшүче, аны камил белүче; әдәби телне үк белмәсә дә, һичъюгы, халыкның аңа омтылучы милләтпәрвәрләрен очраштыра, барлый. Бөтен дөнья буенча!

 Соңгы елларда язучыларның санын исәпкә алсак, әдәби татар телен белүче ким дигәндә 1 миллион татар бар дигән сүз.