Ркаил Зәйдулла "ТАТАР СҮЗЕ" хакында: "Классикларыбыз белән бергә хәзерге заман әсәрләре дә яңгырый"

Татарстан Республикасы язучылар берлеге рәисе, "ТАТАР СҮЗЕ" бишенче Халыкара нәфис сүз телевизион бәйгесенең жюри рәисе Ркаил Зәйдулла конкурның иҗатны үстерүдәге әһәмиятен билгеләде.

"Әдәби иҗатны үстерү ягыннан шушы конкурның әһәмияте бик зур. "ТАТАР СҮЗЕ" – безнең телебезне, әдәбиятыбызны халык арасына тарату җәһәтеннән әһәмиятле гамәл. Г.Тукай, М.Җәлил һәм Һади Такташ кебек классикларыбыз белән бергә хәзерге заман әсәрләре дә яңгырый. 4000 артык эш тәкъдим иттеләр, бу сан елдан ел арт бара һәм безнең рухи потенциалыбызның зурлыгын күрсәтә», – дип үз фикерен белдерде жюри рәисе Ркаил Зәйдулла.

"ТАТАР СҮЗЕ" турында тулырак биредә укый аласыз. 

Фото: ШАЯН ТВ