Шәһәр кадәр авыл: Пенза өлкәсенең Урта Әләзәсе

Без хәзер Россиянең иң зур татар авылына юл тотабыз. Авыл турында репортажның беренче өлешен узган шимбәдә күрсәткән идек. Ул атнаның иң күп каралган материалы булды. Вконтактеда гына тамашачылар 600гә якын лайк куеп, 32 мең тапкыр караган, 100 тапкыр башка сәхифәләргә күчереп алган.

Урта Әләзән - уникаль авыл. Кайдадыр татар авыллары бетеп барганда, алар үсештә. Әләзәнгә 100 елдан да, 200 елдан да инкыйраз янамаячак. 9 мең халкы бар. Гаиләләрдә аз дигәндә 3 бала. Аларны бакчага урнаштыру өчен чират көтәләр.

Мәктәптә татар теле сәгатьләре кыскартылгач, телне саклап калу проблемасы бар, әмма бу мәсьәләдә гаилә зур урын тота. Инзилә Хөсәенованың Әләзәннән икенче репортажын карыйк.