Болгарда чит ил галимнәре җыелды

“Борынгы Болгар - Алтын Урданың беренче башкаласы булган һәм аның бай мирасын саклый”. Бүген монда Россия һәм чит илләрдән - Казахстан, Төркия, Мисыр, Иран, Кытай, Япония, Франция, Канададан галимнәр җыелды.

Алар сигезенче Халыкара Алтын урда форумында катнаша. Бу - ике елга бер узучы вакыйга. Быелгы тема - Урта гасыр чыганаклары һәм тарихи контекст дип атала. Фәннәр академиясе президенты Рифкать Миңнеханов белдерүенчә, Изге Болгар - Россиядәге ислам үзәкләренең берсе, дигән исемне кире кайтарды.