Дөньяга сибелгән татарларны Казан берләштерә: "Татарстанның эшлекле хезмәттәшләре" форумы | Адымнар

Татарстанны дөньяда тарихи Ватаны дип санаучы берничә миллион милләттәшебез бар. Ел ахырында аларның аздан бер өлеше Казанда очраша. "Татарстанның эшлекле хезмәттәшләре" форумында. Быел 440 эшмәкәр иделәр. Аларны милләтнең алтын баганалары, дибез. Үзен татар дип санаган, баласына туган телен өйрәтеп, буыннар чылбыры аша милләт кодын тапшырган. Казаннан ерак яшәп тә, торган җирендә милли үсешне тартып баручылар, я шул үсешнең башында торучылар.  

Форумда Төмән эшмәкәре Риат Фәйзуллинның сүзләре күңелгә уелып калды. «Без татар эшмәкәрләрен берләштереп кенә калмыйбыз, яңа татар кодын төзибез. Эшмәкәрлек бн халыкка, дингә, Ватанга ярдәм итү өчен» - диде. Акча белән генә үлчәнелми торган кыйммәтләр турында сөйли ул.