Елга йомгак ясап: татар дөньясының төп темалары

Татарстан Мәскәүдәге Муса Җәлил исемендәге татар мәктәбенең исемен дә, җисемен дә саклап калырга тели, ләкин карар әле юк. Ә менә Төмән өлкәсендәге Тубыл районында мәчет комплексы язмышын суд хәл итәчәк.

Бөтендөнья татар конгрессының Милли Шура рәисе Васыйл Шәйхразыев ел нәтиҗәләренә багышлап матбугат очрашуы уздырды һәм татар дөньясы өчен мөһим мәсьәләләргә карата фикерләрен җиткерде.

2026нчы ел алар тарафыннан Габдулла Тукай елы дип игълан ителгән иде. Төп вакыйгалар бөек шәхесләребезнең юбилейларына бәйле булачак.