Пермь краеның Барда районында Ильяс Гыймадетдиновны соңгы юлга озату

Пермь краеның Барда районында Ильяс Гыймадетдиновны соңгы юлга озаттылар. Аның гомере чәршәмбе көнне авиаһәлакәттә өзелде.

Ул вертолетта- үз хезмәткәре Эльмир Коняков белән "Ашытлы парк" дип аталган тау курортында фаҗигага тарыды. Ильяс Гыймадетдинов белән хушлашырга Пермь татарлары гына түгел, илнең төрле төбәкләреннән милләттәшләребез җыелды.

Алар арасында танылган җырчылар күп. Хушлашу мәрәсименә килгән һәркем - "Татарым дип янып яшәгән дустыбызны" соңгы юлга озаттык, ди.