3 гасырлык татар киемнәре: Милли музейда яңа күргәзмә

Алтын җепләр белән чигелгән бәрхет түфли, борынгы чулпылар, хатын-кызның биленә кадәр җитә торган калфаклар. 3 гасырлык тарихы булган һәм хәзерге татар халык киемнәрен кичә Республиканың милли музеенда тәкъдим иттеләр.

 Анда "Җеп" дигән күргәзмә ачылды. Бу атама милли модадагы буыннар арасындагы бәйләнешне күрсәтә. Күргәзмәдә 100дән артык экспонат тупланган. Аларны Динә Нәҗметдинова күреп кайтты.