Казанда “Тукай йолдызлыгы” әдәби конкурсына җиңүчеләрне бүләкләделәр

Татарстанда Габдулла Тукайның 140 еллыгы уңаеннан оештырыла торган чаралар көннән-көн арта. Без аның юбилеена якынлашабыз. Кичә Казанда "Тукай йолдызлыгы" дип аталган әдәби әсәрләр конкурсында җиңүчеләрне атадылар.

Алар бөек шагыйребезнең иҗат һәм тормыш юлына багышлап - шигырь, поэма, хикәяләр иҗат иткән. Кемдер - Җаек һәм Казандагы тормышын тасвирлаган, кемдер - мирасына бәйле уйлануларын җиткергән. Конкурс Республика Рәисе каршындагы Туган телләрне саклау комиссиясе ярдәме белән оештырыла. Җиңүчеләр белән Рүзәл Шәрипов аралашты.