Омскта Федераль Сабан туе: Муса Җәлил бюсты, 300 литрлы самавыр, автомобиль өчен көрәш

Узган ялларда Омск шәһәре татар дөньясының мәдәни үзәгенә әверелде. Монда Федераль Сабан туе үтте. Ул быел Россиядә 26нчы тапкыр оештырылды һәм төрле төбәкләрдә яшәүче милләттәшләребезне очраштырды.

Сабан туе бәйрәм кысаларыннан чыгып, Муса Җәлилнең бюст-һәйкәле ачылу тантанасы белән дә тарихка керә. Шулай ук, Омск татарлары - милләттәшләребезнең су басканда һәм янгыннан соң олуг ярдәмен искә алды. Милли бәйрәмгә Рөстәм Миңнеханов белән Омск өлкәсе Губернаторы Виталий Хоценко килделәр. Кунакларны 300 литрлы самавырда кайнатылган чәй белән сыйлаулары, 19нчы гасыр тегермәненең эшләве, көрәштә төп приз - автомобиль өчен бил алышу мизгелләре - безнең репортажда.