24 төбәктән килгән татар яшьләре Казанда «Акыл фабрикасы»нда катнаша

Россиянең актив татар яшьләре Казанга җыелды. Алар Бөтендөнья татар яшьләре форумы оештырган "Акыл фабрикасы"нда катнаша. 24 төбәктән 60 кеше килгән. Үзләренең эш тәҗрибәсе белән уртаклашып, уңышлы проектлары хакында сөйлиләр.

Кыенлыкларны хәл итүдә ярдәм дә сорадылар. Әйтик, Самарада яшьләрнең милли оешмасы таркалу алдында, Санкт-Петербургта татарча концертлар куяр өчен акчалары юк, кайбер төбәкләрдә милләтебезнең танылган шәхесләренең каберләре аяныч хәлдә. Проблемаларны хәл итүнең нинди юлларын тәкъдим иттеләр? Моны Гөлназ Сәйфетдинова белеп кайтты.