Казанда тагын бер урам буенча хәрәкәт бер айга чикләнәчәк

Татарстан башкаласында Крутов урамы буенча урнашкан юлда Транспорт һәм җәяүлеләр хәрәкәте чикләнәчәк. Бу хакта Казан мэриясенең матбугат хезмәте хәбәр итте.

Шулай итеп, 10 августтан 10 сентябрьгә кадәр Крутов урамы буенча хәрәкәт чикләнә.

Вакытлыча уңайсызлыклар суүткәргечне урнаштыру эшләре белән бәйле.

Фото: ТНВ