Татарстанда төзелә торган балалар бакчаларының тугызы сентябрьгә ачылмаска мөмкин

Татарстанда төзелә торган балалар бакчаларының тугызы сентябрьгә ачылмаска мөмкин. Проект буенча, алар ел ахырына гына өлгертелергә тиеш. Әмма бакчаларның бик кирәк булуын исәпкә алып, Президент яңа бурыч куйган иде.

Министр Марат Айзатуллин шимбә Хөкумәт йортында узган киңәшмәдә бу объектларда эш барышын тизләтергә кушты. Республикада быел илкүләм проектлар буенча 16 мәктәпкәчә белем бирү учреждениесе төзелә. Август башына шуларның берсе генә тулысынча әзер.

Кайсы объектларда эш сузыла? Ни сәбәпле? Гөлназ Сәйфетдинова бүген берничә төзелешкә барып сорауга җавап эзләде.