Чаллыда трамвай юлларын төзекләндерүгә 23 млн сумнан артык акча тотылачак

Яр Чаллыда трамвай юлларын төзекләндерүгә 23 млн сумнан артык акча юнәлдереләчәк. Бу хакта Дәүләт сатып алулары сайтында әйтелә.

Биредә трамвай юлын сүтәргә, яңа юл салырга, вак таштан катламнар урнаштыру һ.б. кирәк булачак.

Тендорда катнашу өчен гаризалар 1 сентябрьгә кадәр кабул ителә, башкаручы 3 сентябрьдә электрон тавыш бирү юлы белән ачыкланачак.

Фото: pixabay.com