19 август Татарстанда һава +37 градуска кадәр җылыначак

19 августта Татарстан җирлегендә явым-төшемсез болытлы һава көтелә. Көньяк-көнчыгыштан, көньяк-көнбатышка таба күчүче талгын җил. Бу хакта ТР Гидрометеорология үзәге синоптиклары хәбәр итә.

Төнлә һаваның минималь температурасы +12..+17 градус, көнбатыш районнарда +22 градуска кадәр җитәргә мөмкин. Көндез термометр баганалары +32..+37 градус билгесенә күтәрелә.

Фото: Наталья Левчук (ТНВ)