Рөстәм Миңнеханов Татарстан көне уңаеннан ТНВ төшергән видео белән уртаклашты

"Яңа Гасыр" телекомпаниясенең Республика көненә бүләк итеп төшерелгән бәйрәм ролигы белән Татарстан Республикасы Президенты Рөстәм Миңнеханов Instagram язылучылары белән уртаклашты.

Президент "Яңа гасыр" коллективы башкарган эшне югары бәяләде. Исегезгә төшерәбез, әлеге видео төшерү өчен 5 август төнендә Татарстан башкаласында беренче тапкыр "Миллениум" күпере ябылды.

ТНВ генераль директоры Илшат Әминов сүзләренә караганда, Татарстан башкаласының иң матур урыннары, искиткеч татар музыкасы һәм күңелләргә үтеп керерлек биюе күрсәтелгән гадәти булмаган эш.