Татарстанда атнасына өченче тапкыр шторм кисәтүе игълан ителде

Татарстан буенча Гидрометеорология һәм әйләнә-тирә мохитне күзәтү идарәсе атнага өченче тапкыр салкыннар аркасында шторм кисәтүе игълан итте.

Синоптикларның фаразларына караганда, 11 сентябрьдә төнлә һәм иртән республика җирлегендә урыны белән -1 градуска кадәр салкыннар көтелә.

Исегезгә төшерәбез, бүген кичен температура +7..+12 градуска кадәр төшәчәк, ә көндез +12..+17 градуска кадәр күтәреләчәк.

Фото: pixabay.com