"КамаАЗ" хезмәткәрләренә хезмәт хакын 4,3% арттыралар

1 октябрьдән "КамАЗ" оешмасында хезмәт хаклары артачак. Хезмәт хакларын арттыру буенча үзгәрешләр күмәк килешүдә каралган, дип хәбәр итә автоҗитештерүченең матбугат хезмәте.

Тулаем алганда, арттырылган түләүләр 22 000-23 000 кешегә биреләчәк, бу хезмәткәрләрнең гомуми саныннан 60-70% тәшкил итә. Моннан тыш, автогигант хезмәткәрләрне ашату һәм йөртү чыгымнарын өлешчә үз өстенә ала.

Исегезгә төшерәбез, 2021 елда «КамАЗ» җитештерү күләмен өчтән бер өлешкә арттырды. Оешмада 24 меңнән артык машина комплектлары җитештерде.

Фото: pixabay.com