Татарстанда салкын көннәр саклана

17 сентябрьдә Татарстанда болытлы һава көтелә, яңгыр да явачак. Җил төньяк-көнбатыштан исә. Бу хакта ТР Гидрометеорология үзәге синоптиклары кисәтте.

Республика җирлегендә төнлә +1..+6 градуска кадәр салкын була. Көндез һава бары тик +8..+13 градуска кадәр генә җылыначак.

Татарстан Гидрометеорология үзәге мәгълүматлары буенча, якын көннәрдә республикада салкыннар саклана. Тәүлеклек уртача һава температурасы күпьеллык нормадан 4-6 градуска түбән булачак.

Фото: Алмаз Шиһабетдинов (ТНВ)