Казан метросында туган телләр поезды йөри башлаган

Бүген Казан метрополитенында туган телләр поезды эшли башлады. Бу хакта Казан Башкарма комитеты җитәкчесенең социаль мәсьәләләр буенча урынбасары Гүзәл Сәгыйтова сөйләде, дип хәбәр итә "Татар-информ" мәгълүмат агентлыгы.

Алты вагоннан торган поезда, пассажирлар Татарстанда яшәгән милләтләрнең гореф гадәтләре белән таныша, иң төп сүзләрнең төрле телләрдә ничек язылганын белә ала. .

Шулай ук вагоннарда урнаштырылган селфи-поинтлар ярдәмендә теләгән һәркем яшь Тукай белән фотога төшә һәм аның иҗаты белән якыннан таныша ала.

Туган телләр поезды ел ахырына кадәр йөрәячәк.

Фото: kzn.ru