Казанда иртән ике сәүдә павильоны янган

Бүген иртән Казанның Даурская урамында Чәчәк кибете һәм туклану кафесы янган. Бу хакта Татарстан гадәттән тыш хәлләр министрлыгы матбугат хезмәте хәбәр итә.

Янгын турында хәбәр 4:52 сәгатьтә килде. Бу урынга килгән коткаручылар 50 квадрат мәйданынга сузылган утны 5:38 сәгатьтә тулысынча сүндереп бетерә.

Зыян күрүчеләр юк. Янгын чыгу сәбәпләре әлегә ачыклана.

Исегезгә төшерәбез, бүген иртән Казанда Фучик урамында «Газель» янды. Урынга оператив рәвештә янгын сүндерүчеләр килде, алар санаулы минутларда янгынны сүндерделәр.