Метрода барганда хәзер берничә тел өйрәнергә мөмкин

Метрода барганда хәзер берничә тел өйрәнергә мөмкин. Казанда Туган телләр һәм халыклар бердәмлеге елы уңаеннан милли поезд йөри башлады.

Биредә татарча исәнләшергә өйрәнергә, чуашча әйтемнәр белән танышырга, марича канатлы гыйбарәләрне ятларга мөмкин. Эшкә, укырга барганда яисә өйгә кайтканда һәр көнне бер сүз өйрәнсәң дә - ел ахырына җөмлә төзеп сөйләшә аласың дигән сүз.

Әлеге үзенчәлекле вагоннарда бүген хәбәрчебез Инзилә Хөсәинова йөреп кайтты.