Татарстан милли музеенда күн һөнәрчелегенә багышланган махсус күргәзмә ачылды

Татарстанда каюлы күн осталары җитәрлекме? Аларны кайда укыталар, татарның милли киемен саклап калыр өчен дизайнерлар нинди ярдәмгә мохтаҗ?

Кичә бу мәсьәләләр Татарстан милли музеенда узган түгәрәк өстәл утырышында каралды. Анда халык сәнгате белгечләре, дизайнерлар һәм музей хезмәткәрләре фикер алыша.

Очрашу урыны да очраклы сайланмаган. Күн һөнәрчелегенә багышланган махсус күргәзмә әлеге музейда ачылды. Теманы Алия Хәйретдинова дәвам итәр.