Яр Чаллыда газ шартлау аркасында гомере өзелгән Аделина Заһриевана җирләделәр

Яр Чаллыдагы газ шартлауда, авыр тән җәрәхәтләре алып, гомере өзелгән Аделина Заһриевана җирләделәр.

Чаллыдагы «Тәүбә» мәчете каршына дистәләгән кеше — туганнары, дуслары, күршеләре, хезмәттәшләре һәм битараф булмаган шәһәр халкы җыелды.

Исегезгә төшерәбез, Яр Чаллының 48 комплексындагы күп фатирлы торак йортта көчле шартлау булды. Югары катларда берничә фатир җимерелде.

Җимерелгән йорттан иң соңгы коткарылган 1999 елгы 22 яшьлек кыз кичә хастаханәдә операциягә әзерлек барышында вафат булган.

Шартлау нәтиҗәсендә 4 кеше зыян күргән, берсе һәлак булган.