Татарстан Бөтенроссия халык санын алуда Россия Федерациясе төбәкләре арасында беренче унлыкка керде

Татарстанда яшәүчеләр Бөтенроссия халык санын алуда иң актив катнашучыларның берсе булды. Активлык буенча республика Россиянең 10 төбәге арасына керде.

Халык санын алуда Татарстан халкының 60%ы катнашкан.


Исегезгә төшерәбез, кичә Татарстан Президенты Рөстәм Миңнеханов шулай ук Казанның бер КФҮндә урнашкан стационар участокларның берсендә үз мәгълүматларын хәбәр итеп, халык санын алуда катнашты. Аның сүзләренә караганда, бу һәркемнең гражданлык бурычы.