Әлмәт районы Бишмунча авылы әти-әниләре балаларын 12 чакрым ераклыктагы мәктәпкә йөртергә автобус сорый

Әлмәт районы Бишмунча авылындагы бер төркем әти-әниләр балаларын 12 чакрым ераклыктагы мәктәпкә йөртергә автобус сорый.

Аларның ул-кызлары күрше авыл мәктәбенә беркетелгән һәм анда илтергә транспорт та бар. Тик ата-аналар башка уку йортын сайлаган. Һәм: «Балаларыбызны ерак авылдагы мәктәпкә үзебезгә йөртү кыйммәткә төшә» — диләр. Киңәш сорап безнең редакциягә мөрәҗәгать иттеләр.

Күрше авылда гына мәктәп һәм анда балаларны йөртергә автобус була торып та, район хакимияте башка уку йортына йөртер өчен транспорт бирергә тиешме? Филүзә Хәмидуллина шул сорауга җавап эзләде.