Бозга аяк басма - коткаручылар балыкчыларны кисәтә башлады

Беренче салкыннар булса да, елгаларда боз әле 5 сантиметр гына. Шуңа да карамастан, балыкчылар елга өстенә чыга.

Кичә Гадәттән тыш хәлләр министрлыгы хезмәткәрләре гомерләрен куркыныч астына куючыларны кисәтү максатыннан рейдка чыкты.

Язын республикада бер кеше боз астына киткән иде инде. Ни өчен яраткан шөгыль курку хисен юкка чыгара? Коткаручылар белән Илдар Сафиуллин Мишә елгасында рейдта йөреп кайтты.