23 ноябрь Татарстанда көчле кар бураны көтелә

23 ноябрьдә Татарстан җирлегендә кар көтелә, республиканың аерым районнары буран да булачак. Җил төньяк-көнбатыштан секундына 15-20 метрга кадәр көчәячәк. Юлларда кар көртләре һәм бозлавык булуы мөмкин. Бу хакта ТР Гидрометеорология үзәге синоптиклары хәбәр итә.

Төнлә һаваның минималь температурасы -5..-10 градус. Көндезге сәгатьләрдә термометр баганалары -3..-8 градус билгесенә җитәчәк.

Казанда 23 ноябрь төнендә -6..-8 градуска кадәр салкын була. Көндез максималь һава температурасы -4..-6 градус булачак.

Фото: ТНВ