Яңа ел бәйрәмнәрендә Казанның җәмәгать транспорты графигы билгеле

31 декабрьдән 8 гыйнварга кадәр шәһәр пассажир транспорты ял көне графигы буенча эшләячәк, ә 1 гыйнвар иртәсендә автобуслар, троллейбуслар һәм трамвайлар маршрутларга ял көннәренә расланган графиктан 2 сәгатькә соңрак чыгачак, дип шәһәр мэриясе матбугат хезмәте хәбәр итә.

6 гыйнварда, Раштуага каршы төндә, җир өсте транспорты эше 23:30 сәгатькә кадәр озайтылачак. Бәйрәм гыйбадәте тәмамланганнан соң, 7 гыйнварда, 2:30 сәгатькә, автобуслар (6, 10а, 15, 23, 30 номерлы маршрутлар) һәм 2 номерлы троллейбус «Үзәк стадион» тукталышына махсус киләчәк, дип хәбәр итә шәһәр Башкарма комитетының Транспорт буенча комитеты.

Исегезгә төшерәбез, 30 декабрь - соңгы эш көне.

Фото: pixabay.com