Казанда Маяковский урамында транспорт хәрәкәтен вакытлыча чикләячәкләр

Казанда Маяковский урамындагы автомобиль юлы участогында транспорт һәм җәяүлеләр хәрәкәте вакытлыча чикләнәчәк. Тиешле боерыкка шәһәр Башкарма комитетында кул куелган, дип хәбәр итә Казан мэриясе матбугат хезмәте.

2022 елның 12 гыйнварыннан 20 гыйнварына кадәр Маяковский урамы буенча 19 номерлы йорт янындагы участок хәрәкәт өчен ябылачак.

Бу түбән басымлы газүткәргечтә эшләр башкарылу белән бәйле.

Фото: ТНВ