11 гыйнварда Татарстанда уртача салкын һава торышы саклана

Сишәмбе көнне, 11 гыйнварда, Татарстанда кар явуы көтелә. Көньяк-көнчыгыштан талгын җил. Юлларда бозлавык һәм кар көртләре саклана. Бу хакта ТР Гидрометеорология үзәге синоптиклары кисәтте.

Республикада киләсе төндә -10..-15 градусга кадәр салкын булачак. 11 гыйнварда көндез максималь һава температурасы -6..-11 градус.

Казанда сишәмбе төнендә термометр баганалары -10..-12 градус билгесенә төшәчәк. Көндезге сәгатьләрдә салкыннар -7..-9 градус кадәр көтелә.

Фото: pixabay.com