Кремлнең Хәзинә галереясендә Минтимер Шәймиевнең юбилеена багышланган фотокүргәзмә эшли

85 ел - 85 сурәттә. Бүген Кремлнең Хәзинә галереясендә Минтимер Шәймиевнең юбилеена багышланган фотокүргәзмә ачылды.

"Мизгелләр. Еллар. Дәвер" - бу экспозициядә уникаль фоторәсемнәр урын алган. Бер кеше гомеренең мизгелләре аша - республиканың үсеш юлын, тулы бер дәверне күзалларга мөмкин.

Күргәзмәдә моңа кадәр беркайда да бастырылмаган фотолар да бар. Бүген аны ачарга килүчеләргә беренче экскурсияне Минтимер Шәймиев шәхсән уздырды.

Ачылыш тантанасында Минтимер Шәймиев белән иңгә иң куеп озак еллар эшләгән хезмәттәшләре катнашты.