Казанда фатир янганда хатын-кыз һәлак булган

Бүген иртән Казанның Ямашев проспектындагы 112 нче йортның 7 нче катында булган янгында бер хатын-кыз һәлак булган. Бу хакта Татарстан Гадәттән тыш хәлләр министрлыгы матбугат хезмәте хәбәр итте.

Урынга килгән янгын сүндерүчеләр янган фатирга үтеп, хатын-кызны чыгарганнар. Табиблар аны коткарып калырга тырышкан, әмма омтылышлар уңыш белән тәмамланмаган. Янгынның мәйданы 1 квадрат метр тәшкил иткән. Хәзер янгын сүндерүчеләр әлеге фаҗиганең сәбәпләрен тикшерә.

Искәртеп узабыз, кичә кич 43 яшьлек ир Татарстанның Ютазы районында янып үлә. Беренче мәгълүматлар буенча, янгын сәбәбе - сүндерелмәгән тәмәке.

Фото: МЧС РТ