Казанда Икмәк заводы урамында хәрәкәтне вакытлыча чикләячәкләр

Казанда 7 февральдән Икмәк заводы урамы буенча хәрәкәт вакытлыча чикләнәчәк. Тиешле боерыкка шәһәр Башкарма комитетында кул куелган, дип Казан Мэриясе матбугат хезмәе хәбәр итә.

Транспорт һәм җәяүлеләр хәрәкәте өчен 21 мартка кадәр Икмәк заводы урамы буенча 1 номерлы йорт һәм аның янындагы  2, 4 корпуслары участогы ябылачак.

Бу суүткәргеч, хуҗалык-көнкүреш канализациясе трассаларын салу эшләре белән бәйле.

Фото: pixabay.com