Иртәгә Татарстанда кар явуы көтелә

4 февраль, җомга көнне, Татарстан җирлегендә көчле кар явуы көтелә. Төньяк-көнчыгыштан талгын җил исә. Юлларда элеккечә үк бозлавык һәм кар көртләре саклана.

ТР Гидрометеорология үзәге синоптиклары фаразларына караганда, республикада төнлә һава температурасы -2..-7 градуска кадәр төшәчәк. Көндез һаваның максималь температурасы 0..-4 градус.

Казанда 4 февраль төнендә -4..-6 градуска кадәр салкын була. Көндез һава температурасы -1..-3 градус билгесенә җитәчәк.

Фото: instagram.com/goryachevaanyuta3003