Татарстанда коронавирустан тагын 6 үлем очрагы теркәлгән

Татарстанда коронавирус корбаннарының рәсми саны 1633 җитте. Узган тәүлектә ТР Сәламәтлек саклау министрлыгы COVID-19 вирусы нәтиҗәләре белән бәйле тагын 6 үлем очрагын теркәгән.

Алар арасында 82 яшьлек ир-ат, шулай ук 67, 76, 78, 85 һәм 90 яшьлек биш хатын-кыз бар.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Фото: pixabay.com