Әфган сугышыннан әйләнеп кайтмаган солдатларны Казанның Җиңү паркында искә алдылар

15 февраль - Ватаннан читтә хәрби бурычын үтәгән солдатларны искә алу көне. Әфган сугышыннан әйләнеп кайтмаган солдатларны Казанның Җиңү паркында искә алдылар.

Казанда сугышчы-интернационалистлар мемориалына чәчәкләр салдылар.

1989 елның 15 февралендә, совет гаскәрләренең соңгы колоннасы Әфганстаннан китте. Бу вакыйга Советлар Союзы өчен ун елга якын дәвам иткән һәм 15 меңнән артык совет гражданының гомерен өзгән Әфган сугышы тәмамлануын аңлатты.