Казанда берничә автобусның хәрәкәт схемалары өлешчә торгызылган

Казанда 28а, 43нче һәм 54нче номерлы автобусларның хәрәкәт схемалары өлешчә торгызылды. Транспорт комитетында хәбәр итүләренчә, Миллениум күпереннән Четаев урамына таба хәрәкәт иткәндә «Алексей Козин» һәм «Сибгат Хәким» тукталышларында пассажирлар утырту һәм төшерү яңартылган, дип хәбәр итә Казан Мэриясе матбугат хезмәте.

«Чистай» тукталышы элеккеге кебек үк вакытлыча гамәлдә түгел.

Исегезгә төшерәбез, өч автобус маршрутының хәрәкәт схемасы үзгәрү Чистай урамындагы өченче төньяк коллектор участогында авария аркасында килеп чыккан эшләр белән бәйле.

Фото: pixabay.com