Татарстанда коронавирус белән 3746 кеше авырый башлаган

Татарстанда көннән-көн коронавирус белән авыручылар саны арта. Соңгы тәүлектә исә бу сан кабат яңартылды - 3746 яңа очрак. Бу хакта Сәламәтлек саклау министрлыгының матбугат хезмәте хәбәр итә.

Күпме кешенең хастаханәгә озатылуы, ә күпме кеше үз йортларында дәваланачаклары хәбәр ителми.

Иң күп зарарлану очраклары Казанга, Яр Чаллыга һәм Яшел Үзәнгә туры килә. Биредә 1588, 551 һәм 212 кеше авырый.

Авырулар арасыда 315 бала бар.

фото: pixabay.com