Корылык сәбәпле, ашлыкның үзкыйммәте 48%ка күтәрелгән

Татарстан, авыл хуҗалыгындагы күрсәткечләр буенча ил күләмендә алдынгы урыннарны били. Узган елгы корылыктан соң да, республика тулаем продукция күләме буенча Идел буе округында беренчелекне били.

Югалту зур -  авыл хезмәтчәннәре 47 миллиард сум табышны ала алмый кала. Терлек азыгы һәм башка ресурсларга бәя арту хәлне тагын да катлауландырды. Нәтиҗәдә, ашлыкның үзкыйммәте 48%ка күтәрелгән.

Быелга нинди яңа бурычлар куялар? Бүген республиканың авыл хуҗалыгы министрлыгы коллегиясендә фикер алыштылар. Аз уңышны һава торышына гына сылтап аклану, сәбәпләр табып - терлек санын киметү очраклары да телгә алынды.   

Фото: pixabay.com