Казанда Спартак урамы хәрәкәт өчен вакытлыча ябылган

Казанда Спартак урамы, 21 нче йорт янында хәрәкәт вакытлыча чикләнгән. Тиешле боерыкка шәһәр Башкарма комитетында кул куелды, дип Казан Мэриясе матбугат хезмәте хәбәр итә.

28 февральгә кадәр Спартак урамындагы 21 нче йорттан Һади Такташ урамы белән кисешкән урынга кадәрге участок автомобильләр һәм җәяүлеләр хәрәкәте өчен ябык.

Бу элеккеге «Спартак» фабрикасы территориясендә канализация сузу эшләре белән бәйле, хәзер анда технопарк урнашачак.

Фото: ТНВ